رۆژانە خواردنی زیاتر لە 5 كەوچك شەكر زیانی هەیە

توێژەرەوانی زانكۆی نیوكاسڵی بەریتانی هۆشداری دەدەن لە خواردنی شەكر ئەگەر لە 5 كەوچك زیاتربێت لە رۆژێكدا ،زانایانی زانكۆی نیوكاسڵ ئاماژە بۆ ئەوە دەكەن شەكر بە تایبەتی شەكری سپی زیانێكی زۆر گەورە بە تەندروستی مرۆڤ دەگەیەنێت لە دیارترینیان :

•           كاریگەری لە سەر كانزاكانی لەش دروست دەكات و دەبێتە هۆی كەمبوونی كرۆم و مس و هەروەها كاریگەری لە سەر هەڵمژینی كالیسیۆم و مەگنیزیۆم دەكات .

•           بەشێوەیەكی خێرا كاردەكاتە بەرزبوونەوەی ئاستی كۆلیسترۆڵ و هەروەها بەرزبوونەوەی چەوری سیانی ،جگە لەوەش دەبێتە هۆی نزمبوونەوەی كۆلیسترۆڵی بەسود لە لاشەدا .

•           كاریگەری لە سەر ئەنسیجەكانی لاشە دروست دەكات و هەروەها كاریگەری لەسەر دروستبوونی كۆلاجین دەبێت .

•           رەنگە بێتە هۆی كزبوونی بینایی .

•           نیشانەكانی دەركەوتنی پیری پێش دەخات .

•           كاریگەری لەسەر پیسبوونی ددان و نەخۆشی پووك دەبێت .

•           دەبێتە هۆی قەڵەوی .

•           كاریگەری لەسەر لاوازی ئیسَك دروست دەكات .

•           دەبێتە هۆی بەرزبوونەوەی پەستانی خوێن .