هونەر ئەحمەد رووداو- كەركووك دوو سەكردەی قاعیدە لە گوندی غێدەی شارۆچكەی داقووقی پارێزگای كەركووك دەسگیردەكرێن، كە پێشتر داواكراو بوونە بە مادەی 4ی تیرۆر.
ئەمڕۆ چوارشەممە، لەگەڕان پشكنینێكدا بۆ گوندەكانی دەروبەری شارۆچكەی داقوق، 2 داواكراو لەگوندی غێدە دەسگیركران، كە داواكراو بوون بە مادەی 4ی تیرۆر بەناوەكانی موعەمەر خەڵەف و قوصەی یاسین، كە دوو سەركردوەی باڵای گرووپی قاعیدەن لە كەركووك.
بەپێی زانیارییەكانی ئاسایشی كەركووك، دەسگیركراوەكان دەستیان هەبووە لە چەندین تەقینەوە و كردەوەی تووندوتیژی لەناو شاری كەركووك.
فەرهاد صاڵح، بەڕێوبەری راگەیاندنی ئاسایشی كەركووك بە( تۆرشی میدیایی رووداو) ی راگەیاند: " ئێوارەی ئەمڕۆ لە ئۆپەراسیۆنێكی هاوبەشی پۆلیس ئاسایش ئەو دوو داواكراوە دەستگیركراون، ئۆپەرلسیۆنەكەش پاڵپشت بە بوونی هەندێك زانیاری ئەنجامدراوە".
فەرهاد صاڵح گوتیشی " دوو دەسگیركراوەكە بە پێی ماددەی 4ی تیرۆر داوكارون ناویان لە دادگای باڵای تاوانەكانی بەغدا هەیە".
0 Comments
