به‌ وێنه‌... پـیـره‌ پیاوێك 60 ساڵه‌ خۆی‌ نه‌شۆردووه‌

پیاوێكی ئێرانی ته‌مه‌ن 80 ساڵ، ماوه‌ی 60 ساڵ ده‌بێت خۆی نـه‌شـتووه‌، ژیانیشی له‌ سه‌ر خواردنی لاشه‌ی گیانله‌به‌ره‌ مرداربووه‌كانه‌. به‌ پێی هه‌واڵێكی‌ پێگه‌ی‌ (فه‌را روو) ی‌ ئێرانی بڵاویكردۆته‌وه‌،  ئه‌و پیاوه‌ به‌ (مام حاجی) ناسراوه‌ و خه‌ڵكی گوندێكه‌ به‌ ناوی ده‌ژگاه كه‌ سه‌ر به‌ ناحیه‌ی ده‌هرومی سه‌ر به‌ قه‌زای فه‌راشبه‌ندیی پارێزگای فارسه‌ ده‌كه‌وێته‌ باشووری رۆژئاوای ئێران.  ئه‌م پیاوه‌ له‌ دوو شوێندا ژیان به‌ سه‌ر ده‌بات، شوێنی یه‌كه‌م: خانوویه‌كه‌ كه‌ ته‌نها یه‌ك ژووری بچووكی تاریكه‌ و خه‌ڵكی ناوچه‌كه‌ به‌ بلۆك بۆیان دروستكردووه‌ و به‌ رۆژ تێیدا نیشته‌جێ‌ ده‌بێت، شوێنی دووه‌م: چاڵێكه‌ له‌ شێوه‌ی گۆڕدا كه‌ خۆی هه‌ڵیكه‌ندووه‌ و به‌ شه‌و تێیدا ده‌خه‌وێت،. خه‌ڵكی‌ ئه‌و گونده‌ خواردن و خواردنه‌وه‌ی بۆ ده‌به‌ن، به‌ڵام ئه‌م پیاوه‌ پیره‌ كه‌ ماوه‌ی 60 ساڵه‌ خۆی نه‌شتووه‌ و پیس و پۆخڵی سه‌رجه‌م جه‌سته‌ی داپۆشیووه‌، زۆرتر گۆشتی ئاژه‌ڵه‌ مرداره‌وه‌بووه‌كان به‌ نیمچه‌ برژاوی ده‌خوات و خۆی‌ له‌ خواردی‌ پاك و ته‌ندروست به‌دوور ده‌گرێت. سه‌یر له‌وه‌شدایه‌ ئه‌م پیاوه‌ به‌م حاڵه‌شیه‌وه‌ هه‌ر به‌رده‌وامه‌ له‌ ژیان و ته‌مه‌نی نزیكی 80 ساڵ ده‌بێت. ئه‌م پیاوه‌ بڕوای‌ وایه‌ پاك و خاوێنی‌ ده‌بێته‌ هۆی‌ نه‌خۆشكه‌وتنی‌ و هه‌رگیز پێویستی‌ به‌ ده‌لاك نیه‌، چۆنه‌ هه‌ركاتێك بزانێت پێویستی‌ به‌ سه‌ر چاكردنه‌وه‌، مووه‌كانی‌ خۆی‌ ده‌سوتێنێت.