پرۆفیسۆر "سۆزان جیب" ئاماژەی بەوە داوە کە خواردنەوەی شەربەتی پرتەقاڵ بە ڕیژەیەکی زۆر و بە خەستی زیانی هەیە و
دەبێتە هۆی زیادکردنی ڕێژەی شەکر لە لەشدا.
ئەم پرۆفیسۆرە ئەوەی خسەڕوو کە پاش ئەوەی ماوەیەکی زۆر شەربەتی پرتەقاڵی خواردۆتەوە، ڕێژەی شەکر لە لەشیدا زیادی کردوە و بەمەش ئامۆژگاری خەڵک دەکات کە ئەم شەربەتە کەم بخۆنەوە یاخود لە کاتی ئامادەکردنیدا ئاوی تێبکەن و ڕونیبکەنەوە و ئەوەشی خستەڕوو کە جگە لەوە نەبێت ڕێژەیەکی زۆر شەکری تێدایە زیانی دیکەی نیە و پێویستە شەربەتی ئەم میوەیە بخورێتەوە بەڵام بەکەمی یاخود بە ڕونکراوەی.
هەروەها ڕایگەیاند کە ڕێژەی شەکر لەم شەربەتەدا وەک ڕیژەی ئەو شەکرەیە کە لە خواردنەوە گازییەکاندا هەیە و بەمەش زیان بە کەسەکە دەگەیەنێت و لەوانەیە توشی نەخۆشی شەکرەی بکات بۆیە ئامۆژگاری ئەوە دەکات ڕێژەی شەکر کەم بکەنەوە لە خواردنەکانیاندا.
0 Comments
