داعش سه‌رانه‌ له‌مه‌سیحیه‌كان وه‌رده‌گرێت

)

به‌گوێره‌ی‌ ڕێگه‌وننامه‌یه‌ك له‌نێوان مه‌سیحییه‌كانی‌ شاری‌ (ڕه‌قه‌)ی‌ سوریا‌و گروپی‌ ده‌وڵه‌تی‌ ئیسلامی‌ عێراق‌و شام (داعش)، ده‌بێت به‌مه‌سیحییه‌كانی‌ ئه‌و شاره‌ سه‌ردا (جزیه‌) به‌و گروپه‌ بده‌ن.

ماڵپه‌ڕی‌ مه‌دا بڵاویكرده‌وه‌، ئه‌و ڕێكه‌وتننامه‌یه‌ له‌لایه‌ن (ئه‌حمه‌د شێخ) جێگری‌ (ئه‌‌بوبه‌‌كر به‌‌غدادی‌) ئه‌میری‌ گروپی‌ ده‌وڵه‌تی‌ ئیسلامی‌ له‌عێراق‌و شام (داعش) واژۆكراوه‌، به‌گوێره‌ی‌ به‌یاننامه‌كه‌ هه‌ر كه‌سێكی‌ هه‌ڵگری‌ ئایینی‌ مه‌سیحی‌ به‌مه‌رجێك ته‌مه‌نی‌ له‌سه‌روی‌ (18) ساڵه‌وه‌ بێت، ده‌بێت بڕی‌ چواردیناری‌ ئاڵتۆن، وه‌ك سه‌رانه‌ به‌و گروپه‌ بدات.

گروپی‌ داعش له‌ئێستادا چالاكییه‌كانی خۆی دژی‌ حكومه‌تی‌ سوریاو عێراق چڕكردوه‌ته‌وه‌، به‌وهۆیه‌شه‌وه‌ زیانی گیانی‌و مادی زۆربه‌و دوو وڵاته‌ گه‌یشتوه‌.